Help:FAQ Direchus d'autor

Iventia FAQ

FAQs...

General Linguas Lectoris Colavoraoris Edición Direchus d'autor

Véyassi tamién...

Ayúa

¿Puéu añadir dalgu a Iventia qu'haiga tomáu d'otru lugar?

Polu general, non. La mayor parti del caltiníu que la genti quier añadir ta baju copyright, ensin embargu, dalgunas obras jurun puestas polos sus autoris á disposición del púvlicu baju una licencia apropiá, y dalgunas otras tan nel dumiñu púvlicu - un buin sitiu ondi cominciar á buscar estas obras ta enas distintas Wikipedias. L'ausencia d'una indicación de copyright nu sinnijica que un trabaju puida ser usáu livrimenti. Sin embargu, si nu hay denguna razón pa nu incluyila y el trabaju é interessanti, nu duldi en cunsultanus ó en ponelas direutamenti pa qui la su adecuación seya julgá polos alministraoris.

¿Puéu utilizá-los caltiníus d'Iventia en dalgún otru lugar?

Los caltiníus de testu d'Iventia y las sus imáginis tiein los direchus riservaus polos sus autoris respeutivus, peru pues reutilizalus si cumpris los requerimientus qui dessigin las distintas licencias (que autorizan necessariamenti la redistrivución). Repara qu'en general las licencias implican la necessidá de citar siempris á l'autor ó autoris, y dalgunas licencias implican la ovrigación de nu usá-los trabajus comercialmenti (si quier jazelu cuntauti primeru nogu) y de nu cambialus enjamás.

¿Puéu cambiá-los archivus á prazer cumu los de la Wikipedia?

Non. Si la licencia é la general d'Iventia de Creative Commons (suponsi ésta si non si diz lu cuntrariu espressamenti), altoncis sí. Si la licencia tien una condición que nu permiti el cambiu (de l'estilu NonDerivaus de Creative Commons)la condición de nu camuá-los archivus puei ser perimportanti, porque gran parti del lavor que jazemus tien de ver cula promoción del cántabru-estremeñu baju'l nuestru puntu de vista. Si essi lavor si dejorma n'archivus importantis, n'añadiendu ó en quitandu cosas, si destrúi el nuestru trabaju por cumpletu. Camuar un archivu inclúi acurtiar, añadir ó quitar elementus, cambialus en cualquier aspeutu que li jaigan representar dalgu distintu.

Toy mui interessáu'n camuá-los archivus, ¿Nu hay jorma nenguna?

Sí. Puei cuntautar nogu en info@iventia.com y cunsultanus direutamenti el su provlema. Camuar una imagin nu supón munchu trabaju, siempris que seya una petición razonavli, y los mesmus autoris puiríen tar dispuestus a jazelu.