Ayuda:FAQ Dereichos d'autor

De Asturianu-Lliones
Saltar a: navegación, buscar
Iventia FAQ
FAQs...

Xeneral
Llinguas
Llectores
Collaboradores
Edición
Dereichos d'autor

Véyase tamién...

Ayuda

¿Puéu añadire dalgu a Iventia qu'haiga tomáu d'outru llugar?

Polu xeneral, non. La mayor parte del calteníu que la xente quier añadire ta baixo copyright, ensin embargu, dalgunas obras forun puestas polos sous autores a disposición del públicu baixo una llicencia apropiada, y dalgunas outras tan nel dominiu públicu - un buen sitiu onde entamar a buscar estas obras ta nas distintas Wikipedias. L'ausencia d'una indicación de copyright nun significa que un trabayu pueda sere usáu llibremente. Ensin embargu, si nun hai nenguna razón pa nun incluyila y el trabayu ye interesante, nun dulde en consultanos ó en ponelas direutamente pa que la súa adecuación seya xulgada polos alministradores.

¿Puéu utilizare los calteníos d'Iventia en dalgún outru llugar?

Los calteníos de testu d'Iventia y las súas imáxenes tienen los dereichos reservaos polos sous autores respeutivos, pero puedes reutilizalos si cumpres los requerimientos que esixen las distintas llicencias (que autorizan necesariamente la redistribución). Repara qu'en xeneral las llicencias implican la necesidá de citare siempres al autor ó autores, y dalgunas llicencias implican la obligación de nun usare los trabayos comercialmente (si quier facelu contaute primeiro con nós) y de nun camudalos enxamás.

¿Puéu camudare los archivus a pracer como los de la Wikipedia?

Non. Si la llicencia ye la xeneral d'Iventia de Creative Commons (suponse ésta si non se diz lu cuntrariu espresamente), entós sí. Si la llicencia tien una condición que nun permite'l cambiu (del estilu NonDerivaos de Creative Commons)la condición de non camciare los archivos puede sere perimportante, porque gran parte del llabor que facemos tien de vere cona promoción del asturllionés baixo'l nuesu puntu de vista. Si esi llabor se deforma n'archivos importantes, añadiendo ó quitando cousas, se destrúi el nuesu trabayu por completu. Camudare un archivu inclúi acurtiar, añadir ó quitar elementos, cambialos en cualquier aspeutu que l.le faigan representare dalgu distintu.

Toi mui interesáu'n camudare los archivus, ¿Nun hai forma nenguna?

Sí. Puede contautare con nosotros en info@iventia.com y consultanus direutamente'l sou problema. Camudare una imaxen nun supón muichu trabayu, siempres que seya una petición razonable, y los mesmus autores podrían tar dispuestos a facelu.